NAVNEET SAMARPAN    
Gujarati Monthly Digest
જીવન...સાહિત્ય...સંસ્કાર...
'નવનીત સમર્પણ'... ગુજરાતનાં નાનાં-મોટાં ગામોમાં અને જગતનાં દૂર-સુદૂર સ્થાનોમાં વસનારી ગુજરાતી-ભાષી પ્રજાને ભારતીય વિદ્યા ભવને આપેલી એક મહામૂલી ભેટ છે અને એ અનોખી પ્રજાના વિજ્ઞાનમય સૂક્ષ્મ શરીરનું ભવને કરેલું ઝાઝેરું જતન છે.
  સિતાંશુ યશશ્ચંદ્ર
(વિદ્વાન કવિ,સંપાદક... નવનીત સમર્પણની સુવર્ણજયંતી નિમિત્તે ડિસેમ્બર 2008)
મિત્રોને નવનીત સમર્પણની ભેટ આપો.
Feedbacks
'નવનીત સમર્પણ'ને એની સુવર્ણજયંતીના અવસર પર હાર્દિક શુભેચ્છા પાઠવું છું.
લગભગ દોઢેક દાયકાથી હું 'નવનીત સમર્પણ'નો નિયમિત વાચક રહ્યો છું. અને રસ પડતાં 'નવનીત સમર્પણ'ના દોઢ દાયકા પહેલાંના કેટલાક જૂના અંકો મેળવીને વાંચ્યા છે. એક વૈવિધ્યલક્ષી – ડાયજેસ્ટ પ્રકારના સામયિક તરીકે 'નવનીત સમર્પણ'ને જોતાં હું એમાંની સાહિત્યિક ગુણવત્તાને ઘણુંખરું પામ્યો છું. મારી ગરજે મળેલી એ 'પ્રાપ્તિ' બદલ મને આનંદ છે. ખાસ કરીને કવિતા, વાર્તા, નિબંધ, ધારાવાહિક નવલકથા ઉપરાંત ઈતર વાચને પણ મારાં રસરુચિને હંમેશાં સંકોર્યાં છે. 'નવનીત સમર્પણ'ની કવિતા અને વાર્તા મને વિશેષ આકર્ષે છે અને ખાસ કરીને એ બે સ્વરૂપ અન્ય સ્વરૂપની તુલનામાં વધુ ભાવતા હોય એવું બને. પણ એનું કારણ મને 'નવનીત સમર્પણ'ના દ્રષ્ટિસમ્પન્ન સંપાદનમાં સાંપડ્યું છે. સંપાદનદ્રષ્ટિને સરાણે ચડાવતી કૃતિઓનું આવી મળવું એ પણ એક કારણ. હરીન્દ્ર દવે, કુન્દનિકા કાપડિયા, ઘનશ્યામ દેસાઈ અને તમારા સંપાદનતળે પ્રગટેલાં 'નવનીત સમર્પણ'ની તુલના કરતાં-અછડતી તુલના કરતાં લાગ્યું છે કે બધાં સંપાદકોએ એમની સંપાદનદ્રષ્ટિની વિવિધતા-વિશિષ્ટતાથી 'નવનીત સમર્પણ'ના પુષ્પને સુગંધિત તો રાખ્યું છે, ઉપરાંત એટલું તાજુંય રાખ્યું છે કે એમાં સંપાદકના ગૃહીતો વા ઉત્તર-પૂર્વ-ગ્રહોની વૈયક્તિક છાપ ન ઊપસે. 'નવનીત સમર્પણ'ને મળેલા ઉમદા સંપાદકોએ સામયિકની ઓળખમાં પોતાની ગુરુતાને ગૌણ ગણી છે એ કોઈ પણ સામયિકને અપેક્ષિત હોય, એમાં સામયિકનું ગૌરવ પણ હોય.
નવા સર્જકોને-આશાસ્પદ રચનાઓને ઉમળકાભેર સ્થાન આપવું અને નીવડેલા સર્જકો પાસેથી ઉત્તમ કઢાવવું એ આ સામયિકની વિશેષતા રહી છે. છેલ્લા દાયકાના કેટલાક આશાસ્પદ સર્જકો 'નવનીત સમર્પણ'ના પાને ઓળખ પામ્યા છે તો કેટલાક નીવડેલા સર્જકો પુનઃ ઉત્તમ સર્જન સક્રિયતા દાખવી રહ્યા છે. સુંદર કવિતા-વાર્તા 'નવનીત સમર્પણ'ની આગવી ઓળખ છે. તમને એ જાણીને આનંદ થશે કે ગુજરાત સાહિત્ય પરિષદ પ્રકાશિત 'ગુજરાતી કવિતાચયન 2004' (સં. નીતિન વડગામા)માં ચયન પામેલી ને 13 સામયિકોમાંથી પસંદ થયેલી 100 જેટલી કવિતાઓ પૈકી 32 કવિતાઓ તો 'નવનીત સમર્પણ'માં જ પ્રગટ થયેલી છે.
તો પરિષદના એક અન્ય પ્રકાશન 'ગુજરાતી નવલિકાચયન 2007' (સં. હિમાંશી શેલત)માં 20 જેટલાં સામયિકોમાંથી પસંદ થયેલી 18 વાર્તાઓ પૈકી 11 વાર્તાઓ તો 'નવનીત સમર્પણ'માં જ પ્રગટ થયેલી છે. અહીં સ્થાન સંકોચે એની યાદી નથી આપતો, પણ આ કોઈ પણ સામયિક માટે- એના સાહિત્યિક ધોરણ માટે સંતોષના પહેલા ઓડકાર સમું કહેવાય! આજે ગુજરાતી લખવા-વાંચવા બાબતે અનેક ફરિયાદો ઊઠી રહી છે. એમાંય ગુજરાતી સામયિક કે જેમાં સાહિત્ય-કલાની સરવાણી વહેતી હોય, એનો ઘરબેઠાં ગંગાનો લાભ પણ જોઈએ એટલો લેવાતો ન હોય ત્યારે 'નવનીત સમર્પણ' આશ્વાસનરૂપ છે. 'નવનીત સમર્પણ' વંચાય છે. માત્ર ખ્યાત સર્જકના રાઈટિંગ ટેબલ પર કે લાઈબ્રેરીના મેગેઝિન-સેલ્ફમાં જ નહીં, પણ રેલવે કે બસસ્ટેશનના વ્હીલર્સ બુક સ્ટોર્સ પર મળતું આ એકમાત્ર ગુજરાતી સાહિત્ય-કલા સામયિક છે એવું હું માનું છું. સસ્તી ચોપડિયું વચ્ચે મેં એનો સત્ત્વશીલ પ્રકાશ નિહાળ્યો છે.
'નવનીત સમર્પણ' સદાય ઉજમાળું રહે એવી અભ્યર્થના સાથે સૌને હાર્દિક શુભકામના પાઠવું છું.
નવનીત જાની (વાર્તાકાર)
SAMPLE PAGES of this issue in Digital Format is availabe online.
CLICK HERE
વર્ષ : ૩૮અંક : ૮ડિસેમ્બર ૨૦૧૭
મુનશીવાણી
શબ્દમૂળની શોધ
છોગું
હેમન્ત દવે
પ્રમુખના પત્રો
સુરેન્દ્રલાલ ગિ. મહેતા
૧૦ કાવ્યોઃ
હરીશ મીનાશ્રુ, મનીષા જોષી, લલિત ત્રિવેદી, ભરતકુમાર એમ. ગોહેલ, રક્ષા શુક્લ, લતા હિરાણી, ગૌરાંગ ઠાકર, પારુલ ખખ્ખર
૧૫ સાદું જીવન, ઉચ્ચ વિચાર
ડો. પંકજ જોશી
૨૨ બનારસ ડાયરી - ૯
બીનિયાબાગ અખાડો ને રામુકાકા

વિવેક દેસાઈ
૨૭ શહેર
પૂજા તત્સત્
૩૫ હમ સે નજરિયા કાહે ફેર લી?
હોમી દસ્તુર
૩૮ હાટડિયું
પ્રવીણ દરજી
૪૧ સપનું
માવજી મહેશ્વરી
૪૯ મનોજ જોશી : એક મુલાકાત
રાજુ દવે
૫૫ પાંચમો ખૂણો
પન્‍ના ત્રિવેદી
૫૯ આપણો વિચાર વારસોઃ સામાજિક અસમાનતા એટલે શું?
પ્રવીણ જ. પટેલ
૬૭ પ્રમુખનું પ્રવચન
સુરેન્દ્રલાલ ગિ. મહેતા
૭૪ નિઃસંગ સમ્રાટ (લઘુનવલ-૧૫)
સુનીલ ગંગોપાધ્યાય / અનુ.: પ્રીતિ સેનગુપ્તા
૮૫ હૃદયરોગના ‘અ’ ‘બ’ ‘ક’
ડો. મનુ કોઠારી / ડો. લોપા મહેતા
૯૪ વૈશ્વિક દેવું : વિશ્વરૂપનું રોચક દર્શન
રોહિત શુક્લ
૯૭ પ્રવાહ
જયંત ભૂમેલિયા
૧૦૩ કેમ સખી ચીંધવો પવનને - ૧૨
અનિલ જોશી
૧૦૯ આંબોલીનાં રેખાચિત્રો (૨)
પ્રદીપ સંઘવી
૧૧૫ ગુજરાતી અસ્મિતાના અજવાસ સમાં સ્વરાંકનો
આરાધના ભટ્ટ
૧૧૯ વાલ્મીકિ રામાયણ-૩૦૦
૧૨૮ બનારસ ડાયરી – ૮ : એક પ્રતિભાવ
હોમી દસ્તુર
૧૩૧ તમારી દ્રષ્ટિએ
૧૩૨ ભવન્સ - વૃત્ત
૧૩૭ વોટ્સએપ
સં. શરીફા વીજળીવાળા
૧૩૮ હાસ્યેન્ સમાપયેત્
આવરણ : વિવેક દેસાઈ (જુઓ પૃ. ૨૨)
QUICK LINKS
  Bhavan's Books   Periodicals   Our Websites   Bhavan's (H.O), Mumbai
 
Online Bookstore
Locate A Store
Catalogue
Book Enquiry
 
Bhavan's Journal
Bhavan's Navneet
Navneet Samarpan (Gujarati)
Dimdima
Bharatiya Vidya
Samvid
Astrological Journal
 
www.dimdima.com
www.dimdimamagazine.com
www.navneetsamarpan.com
www.navneethindi.com
www.amritabharati.info
Gandhi Institute Website
www.bhavanslibrary.org
www.events.bhavans.info
 
Bhavans Kala Kendra
Bharatiya Sangeet & Nartan Shikhsapeeth
Jyotish Bharati
Bhavan's Library
Sanskrit Studies
Forthcoming Events
--: Bhavan - Chowpatty
--: Bhavan - Andheri
>